Riga, Let's go.

De weeg naor Riga

Op de lange tocht van Kuressaare naor Riga (6 oor) heij ik slum 'n wandeling gepland um ff de bein te strekken. Vlak veur de grens met Letland nog ff de letste treeje in Estland zetten. De wandeling waar kort maar moei. Euver de beboste duinen, door het moeras, op de oetkiektoren en weer truük. Snelle planga op, woesj.

Zoë, det waar Estland. Zo'n fijn land, daor kin ik gerust nog 'ns komme. Nog genog te zeën daor! Ik rie de grens euver en eigenlijk metein is de sfeer angers. D'r wuurdt direct harder gereeje en ingehaald. In Estland en Letland moogse op de meiste wegen maximaal 90, 'n paar stukken échte snelweeg oetgezongerd (110 max. in de zomer). Me begint dus direct met 100 riejje en inhalen. Tegeliekertied staon d'r borden die waarschuwen veur flitsers. Als d'r zo'n bord steijt geijt men direkt vol oppe rem, wies ze de flitser veurbeej zien natuurlijk. De weeg is heej dök 1,5 baans: elke rierichting haet dus 'n halve baan um oet te wieke als men wil inhalen. Dit haojt in det het slingeren is, flitsen met de lampen, vrachtwagens die inhalen of half naeve de weeg in de berm riejje umdet 1,5 baan te weinig plek is... Ganz ehrlich: mehr als Lebensgefährlich.

Ongerweges gestopt beej Meke Krogs. Deze heij ik op internet opgezocht, zoedet ik tiedes 't riejje get Lets kos aete. En wat waar het duchtig. 'n Aod houten hutje, knap ingericht en 'n prachtige menukaart. Ik koos veur de klassieke hoesgemâkte wôrs met gerst, bessensaus en greuntes. Um dich de vingers beej aaf te lekken.

Met de boek good vol naor Riga. Wat 'n drukte daor vergeleken met Tallinn. Pliesie, ambulance, getoeter, geschrieuw, rotzooi. Ff wennen dit. De zeurmodus is aan, want ik bin best muug van het gemanouvreer op de weeg. Nae zonger gekheid: Riga veel mich 'n bietje tegen. Moeie plekskes, maar er waar gin fijne sfeer. Ouk zien er 'n aantal gebouwen die wal hiël erg netjes gerenoveerd zien, waordoor ze get klinisch aafbraeke tegen de aoje bebouwing. Na gut, das Leben ist nicht immer das Gelbe vom Ei​​​​​. 

Positief den: de Jugendstilbuurt. Zo'n toffe gebouwen zeg, moei van lillikheid. Overdaad schaadt heej absoluut neet. Fantastisch kitsch. Ouk nog in 'n Jugendstil 'museum' wezen koekeloeren.  

Ouk nog ff uch aandacht veur de 'prachtige' taart veur Riga, van Stalin:

De poes op het daak:

En de glitterslak: 

Liefhebbers van eclairs & chickenburgers: hank veur de augen angers kriegt ge honger:.

Appelflap, puddingbroodje, eclair, hard. FAT CAT is de plek veur eclairs.

Kruüj jao, det waar lekker. Malse kip, lekkere friet. Gezellige tent ouk, waor se gewoen aan de toog zoots en de chef gezellig kwaam praote. Dees ervaring kint ge belaeve beej Late Night Munchies.

Riga, hebben we det ouk weer gehad. Er is genog te zeen, te doon en te ontdekken. Moeie plekjes, interessante plekjes. Maar toch is het neet 'mien' stad. Weite we det ok weer. Been there, done that. Op naor misschien wal 'n lit-town: Klaipeda. 

Snapt ge? Lit-town. Litouwen.