Kaunas

Wie kumse in Kaunas?

Det ligt er aan. De stad haet 'n vleegveld. Maar umdet ik 'n huurauto heb gebroek ik dae maar. De autosnelweeg van Klaipeda naor Kaunas is 'n saaie lange streep. Wal 'n prima weeg, de ierste échte snelweg dae ik tegenkom. Ik waande mich wat det betreft net in Nederland. De zoeis ouk met de boët kinnen gaon, gezeen de ligging van de stad. Ze ligt namelijk strategisch op het punt waor de rivieren Memel en Neris bejeinkomme. De stad zelf kint ruum 300.000 inwoëners en ligt in/op het dal waordoor de rivieren struime. De stad kint gigantisch lillike sovjetwijken, die ik zoog liggen vanaaf de snelweeg. Neet gewees euverigens, d'r is zat te belaeve in de binnenstad. De binnenstad zelf is erg handig ingedeild. De aoje stad en de niejje stad zien door ein door buim umgaeve voetgangerspromenade verbonge, waordoorse dich vreej kins bewaege. De aoje stad is groëtendeils autovreej en kint 'n aantal sjieke gebouwen en gezellige horeca. De niejje stad besteit groëtendeils oet tussenoorlogse architectuur, hetgeen 'n unieke oetstraling guuft. Ouk in Kaunas is er dus weinig van de oorspronkelijke bebouwing euver, maar de stad draagt, ouk in de winter, 'n enorm fijne sfeer oet.

​​​​​​Stokstiëf

Opgezatte biëste. Wat gaaf en vervreemdend um te zeen. In het Kaunas Zoölogisch Museum is 'n gigantische, maar den ouk echt gigantische collectie aan opgezatte dieren te zeen. Bietje wie het Missiemuseum, allijn den vuül groëter. Imposant, 'n bietje creepy maar veural interessant.

Hoephab!

Kedeng-edeng

Kabelspoorwegen, daor hebben ze d'r heej 2 van. Bin wal gecharmeerd van aod openbaar vervoer. Lekker in de kabine naor de top van de heuvel, en waer umlieg. Toen ik boven oetstapte keek ik ff aandachtig naor het aandriefmechanisme. De aoje man dae in de kabine de keertjes verkoch zoog dit en nuüdigde mich oet um naor de operator in de besturingskamer te gaon. De operator van de kabelspoorweg keek enthousiast op en bood mich 'n kiekje achter, of leever gezag onger de schermen aan. Alle techniek van vruuger zoot er nog in. En het werkt ok nag! Helaas heb ik d'r maar eine kinne doon, umdet de angere de daag d'r op toe waar.

Kaunas = street-art = Kaunas Cat.

Toen Litouwen 30 jaor geleeje onafhankelijk werd ging men in Kaunas aan de slaag met sprayverf. Dit in zo'n groëte getale det de pliesie dit neet in de hank kos haoje. De stad besloot later um de street-art te reguleren en te gedogen en nuüdigde de kunsteneers oet um de stad op te fleuren waor nuudig. Dit resulteerde in kunstwerken in alle vormen en maten, met of zonger beteikenis. De Kaunas kat, unne "tag" dae al 10 jaor gebroekt wuurdt door eine kunsteneer, is hèt symbool gewoore van de stad. De kat met de gelukkige gezichtsoetdrukking kumse euveral tegen en beschrieft het vredevolle geveul det in Kaunas zoe aanwezig is. Er is zelfs 'n landkaart met alle belangrieke street-art gemaakt die se gratis kins kriegen. De marketingstrategie "Kaunastic" dreijt ouk op volle toeren um de stad aantrekkelijk te maken veur toeristen. Naor mien meinig mooge mier minsen 'ns gaon kieke in deze fijne stad. Maar neet te vuül ;) 

Geel, greun en roëd,

Zien de kleuren van Litouwen. De Litouwers vierden op 11 miërt onaafhankelijkheidsdaag. Dit ging gepaard met meziek, 'n groete parade en euveral versieringen door de ganse stad. Doordet ik aan het pateren waar door de stad heb ik er neet hiel vuül van meijgekregen, maar heb wal nog 'n optreeje van 'Flash Voyage' gezeen. 

prachtige illusie 

Bikken & Wassen

Aete doön ik het leefste in kleine streetfood-achtige eettentjes. Den heesse namelijk mekkelijker contact met minsen. Det haojt in det ik vuul pizza, friet, burgers, noodles, pasta, wraps etc. aet. Umdet ik vuül laup compenseert det hopelijk wal :p In Kaunas deej ik det beej "Kuhne" en "ManGi Hot-Dogs". Snelle verse vette hap beej d'n ierste, en heerlijke friet met toppings beej de twiëde. Bin neet zon Hot-Dog fan vandaar. 

Kleijer wassen doon ik met de hank. Sopje maken, wassen en te druuge hangen op de verblijfsaccommodatie. Als 'n kink de was kin doon kin ik det ouk.

Det waar Kaunas. Ik kom heej zeker nog 'ns truük, want deze stad ligt mich wal. Volgende bestemming: Vilnius.