Kuressaare

7 maart 2020 - Kuressaare, Estland

Arensburg und Allee

Tere! Op Saaremaa kumse door iers met de veerboot naor 't eiland Muhu te varen. Op de veerboot zit 'n buffetrestaurant en 'nne winkel met zelfbediening. Self-service kassa's zien er in Estland euveral, hip zien ze heej wal! Vanoet Muhu kinse euver 'n dam naor Saaremaa. Beide eilanden zien schoen begreujd met vuul buim en struük. Doordet er vuul naoldbuim staon is het noow ouk al 'n greune oase. Verrek, Saaremaa is groëter dan ik dacht! In 'nne sliert van auto's en vrachtwaggels euver de hoofdweeg naor Kuressaare, de groëtste plaats van 't eiland. Tevens kuuroord, lekker tussen de high society dus. Exact waar ik thuisheur. Op de eilanden zien tal van campings en accommodaties veur 'n sjieke zomervakantie. 't Is echter winter/lente en dus bin ik boete het seizoen. De accomodatie in Kuressaare is sjiek en netjes. Volgens mich ouk het enige hotel wat jaorronk open is daor, maar enfin. Tiedes mien aovendwandeling zeen ik op vuul plaatsen "Arensburg" staon. Ein straot draagt de naam "Allee" (neet de Vlaamse). Die dekselse Duitsers hebben ouk euveral gezaete...

Cliffhänger modus

Wat ik zoeal gedaon heb? Ik bin beej de houten winkmeulens gewaes, symbool van Saaremaa. De vuurtoren op de punt van het eiland gezeen. Bijna vastgezaete met de auto... Oké nae, ik heb mich umgedreijd veurdet det zou gebeuren. Eine kiër vastzitten in Estland is genog (vraog maar naor het verhaal van 'n gas jaor truük). Ik heb 'n rundje gelaupe beej het kastiël, door Kuressaare etc. Ouk bin ik beej 'nne meteorietkrater gewaes, de Kaali (ik mis je Kaaaaaaali) krater. De groëtste van Europa. Neet super spectaculair, maar de achtergrondverhalen d'reuver wal.

Ze hebben er zelfs kliffen. Weliswaar maar 21 maeter hoëg, maar zoeget guuft toch 'n speciaal geveul. De Panga klif is 'n oetlauper van de kliffen op Gotland, Zweden. Gewandeld en gewandeld dus. Lekker ontspannen, aan de zieë, wink um dich haer. Heerlijk. Pizza gegaete, schmeckt gut. Prachtig eiland, de kins dich heej mekkelijk 'n waek vermaken. Volgende bestùmming: Riga.

vuurtoren van Sōrve