Tallinn-clusive

Daor gaon we den!

Nao 'n te gekke tiëd met o.a. de Vastelaovend en 'n concert v​​​an Deichkind waar het dan eindelijk zoe wiëd: mien verkansie kos beginnen. "Dit is het momentoooooo". Cringe. Nao 'nne halve middig ronkgehangen te hebben op spookvleegveld Weeze stong mien vliegtuug klaor. Opstijgen en... landen maar! Of toch neet? De overduudelijk Hollandse piloot deej 'n poging um te landen, maar door de mist mos hae waer opstijgen. Nao 'nne tied boven de mist ronkgevlogen te hebben waar 't beej poging twië wal raak. En ondanks de mist toch nog oppe tied. 

Dus, Tallinn. Wát 'n stedje. Bin d'r al ierder gewees en toen waar ik al snel verkoch. Aoje dingen zeen, niejje dingen zeen: de wereld is bès wal ein groët gehiël enzoë. Nae maar ech: Tallinn is gewoen te gek. En door de kleine umvang alles binnen hankbereik. De iërste aovend drèk vol frisse moed nog 'n wandeling gemak en drnao gaon slaope: morgen al det moeis in t leëch gaon aanschouwen.

Smeltkroes in de smeltende sniejje

Tallinn ontdekken mot ge zelf maar doön en ik gaon uch gin gedetailleerde beschrieving van mien wandelingen gaeve, det leed zal ik uch besparen. De stad kint 'n riëke geschiedenis en d'r is ontzettend vuül bewaard gebleeve oet verschillende tiejje. Det makt 't ouk 'n interessant gehiël. Mien hotel loog ideaal, aan de rank van de aoje stad. Ff kiëke... Oh ja! Tallinn is 'n vestingstad en d'r staon nog mier dan de helft van de torens van het vestingwerk euvereind! En de kins er ok nog in! "Kiek in de Kök" bijvoorbeeld, de diekste vestingstoren van de stadsmoor. Kiek = kieke, kök=keuken. 'n Tof euverbliefsel oet de Hanzetied. Het woord kök is later ok blieve hangen, want köök is het hedendaagse Estische woord veur keuken. Zoë kint de finoegrische taal Estisch toch 'n aantal Germaanse liënwoorden. De straote in Tallinn hebben trouwens dök gewoen namen als Pikk (lang) en Lai (breed). Det zaet den get euver..... De straot! 10 punten, klasse gedaon makkers. Het woord "straot" hoof dr gaar neet achter, nurges veur nuudig. En "Pikk jalg" den? Det is: lank bein. Ouk 'n straot. 

Wat ouk fijn is aan Tallinn is de autovreeje aoje stad. Gin touringcars dwars door de stad dus. In maart is het sowieso erg rustig, det is in de zomer wal angers. Den is het wal 'n stuk levendiger: mier terrassen, mier activiteiten, mier minsen. Ik vong het in elk geval fijn um er 'n kier in stilte ronk te laupen, maar ik heb de stad ouk 'n kier in de gezelligere zomer meigemaakt.

Aete doön ik trouwens ouk. Bruüdje op de hank, fruit van de mert of de Rimi... Prima! In Tallinn heb ik koffie gedronken beej Bogapott, ramen noodles gehad beej Joe's Ramen en 'nne mega lekkere verse vette hamburger gehad beej VLND Burger. Dae letste is veural aan te raoje, dae ligt in de hippe wijk Telliskivi. Murals, containers, kunst, foodstores en 'n markthal. De plees toe bie veur de hippe hippe. #MeTime! 

Hèh de zieë? Jao. Die is d'r ouk. Lekker hè. Bin ok ff naor de wijk Kadriorg gelaupe. Waar bès 'n stuk. Heij ok met de tram kinnen gaon. Maar och. Deze wijk is weer in opkomst. Met 'n paleis, 'n paleistuin en moeie gerenoveerde houten huus. Drek drnao euver de niejje boulevard naeve de zieë gelaupe, truuk de stad in. Flaneren kun je leren.

Moerasgônsig

Det waar Tallinn. De wekker geijt, ff snoozen. Op de weeg naor het eiland Saaremaa, waorop Kuressaare ligt, heij ik 'n wandeling gepland. De "Marimetsa raba matkarada". 

Moeraswandeling dus. Deze 'haer en truük' wandeling geijt door het graaslank, door de bös en door het moeras. En weer truük. Moerassen en veengebieden komme in Estland vuül veur en zien kei sjiek um door te laupen. Ik mos door de toter, door de sniejje, gladde plenk...Ongerweeg heb ik neemus gezeen. Neemus. As enige mins in 'n bos. Aaf en toe 'n veugelke, verse oetwerpselen van biëste.... Toch wal biezônger. Op het ing kierde ik weer truük euver mien eigen gebaande paad. Weer door de toter, weer door de sniejje. Allijn den net ff angers.

Op naor Kuressaare!